"Hobea" da Nafarroako Emakumeen Aurkako Indarkeriari buruzko Foru Legea, Espainiako baino, "zabalagoa". Foru legean ez da beharrezkoa erasotzailearen eta emakumearen artean aldez aurreko erlaziorik existitzea erasoa "eraso matxistatzat" hartzeko, eta, bai, ordea Espainiakoan. Bigarren horren arabera, eraso matxista bezala klasifikatzeko, bikotekideak edota bikotekide ohiak izan behar dute biktimak eta erasotzaileak.
Horregatik, sanferminetako bortxaketa epaitzerako orduan, Nafarroako legea ardatza izatea da bi talde feminista horien nahia.
Mugimendu feminista, epaitegi aurrean
Martxoan epaituko dituzte bost gizonak eta hortxe izanen dira Andreako kideak: "Epaitegi aurrean egonen gara", esan du Tere Saez Andreako sortzaile eta Lunes Lilaseko kideak. Elkartasuna adieraziko diote emakumeari, gertatutakoa salatuta.
Sanferminetako bortxaketaren kasuan, Foruzaingoak egindako lana laudatu du Saezek, erasotua izan zen neskak laguntza judizial eta psikologiko guztiak izan ditzan defendatzearekin bat.
