"Ez-ohiko albistegia dugu gaurkoa. Langile guztiok batu gara, Nafar Telebista itzali eginen dela esateko", hala adierazi du Nafar Telebistako albistegietako aurkezleak, Susana Errozek. "Egoera ekonomiko jasanezinean gaudelako emititzeari utzi eginen diogu", esan du. Urte eta erdiz aritu dira emititzen. "Agur bat baino, gero arte bat izatea espero dugu", gaineratu du despedidaren unean Errozek langile guztien izenean. Betiko itzaltzea baino, proiektuak aurrera segitzeko esperantza dute langileek. Eskerrak eman dizkiete urte eta erdi honetan ikusle izan dituztenei eta babesle guztiei.
Nafar Telebistak emititzeari utzi dio
Langileek eman dute Nafar Telebistaren egoera ekonomiko jasanezinaren berri. 14:30etako ohiko albistegia baliatu dute despeditzeko. Urte eta erdi aritu dira emititzen.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
