11.000 auto gehiago egitea. Horra helburua. Ez da makala lehen seihilekorako Landabengo multinazional alemaniarrak bere buruari ipinitako erronka. Lortzeko formula: langileek derrigorrez lau larunbatetan lan egitea da. Era horretan, hamabi larunbatetan egonen da irekita lantegia.
hautsak harrotu ditu neurriak. Izan ere, enpresa batzordean dauden sindikatuetako hiruk (LABek, ELAk eta CGTk) ez dute begi onez ikusi erabakia, eta lan uzteak iragarri dituzte -29 ordezkarietatik hamar dauzkate hiru sindikatu horiek-.
Beharginen pausak desplazamenduen bidez betetzeko asmoa du multinazionalak. Hala, errotazioare bidez, katea ez da inoiz geratuko. Sindikatuen irudiko, beste era batean egitea badago: langile gehiago kontratatuz.