Lapurtu eta berreskuratu diren 37 bizikleten argazkiak eta haien deskribapenak eskaintzen ditu Foruzaingoak bere webgunean (www.policiaforal.navarra.es)
Foruzaingotik aditzera eman dutenez, azken urteotan handitu da bizikleta erabiltzen duten herritarren kopurua, bai lanera joateko, baita bere aisialdian ere, eta honekin batera ugaritu egin dira bizikleten lapurretak.
Polizia gorputz guztietan aurkeztutako salaketa gehienak Iruñerrian eginiko lapurretak izan dira: Iruñea (175 salaketa), Burlata (21), Zizur Nagusia (18), Mutiloa (17), Antsoain, Barañain, Sarriguren eta Atarrabia (16na salaketa) eta Berriozar (14).
Nola berreskuratu
Inork bere bizikleta ikusten badu Foruzaingoaren web gunean Belosoko Komisaldegi Nagusira joan beharko du eta erosketa faktura, jarritako salaketa, bastidorearen zenbakia edo bizikletaren jabea dela erakusten duten argazkiak eraman beharko ditu.
Honekin batera Foruzaingoak aholku praktikoak eskaintzen ditu bere web gunean lapurretak ekidite aldera.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!