Azken urte hauetan gero eta gehiago dira atzera begiratu eta Halloween amerikarraren jite bereko ohitura zaharrak aurkitzen ari direnak Euskal Herriko eta inguruko herri askotan. Arimen gauan, Omiasaindu egunean edo Saindu Guztien egunean, nahi bezala deitu, ohikoak ziren puska biltzeak, gaztain, hur eta intxaurrekin bereziki, eta baita mozorro beldurgarriak eta hustutako kuiak barnean kandela zutenak ere.
Gai honen inguruko informazio ugari eta proposamen interesgarriak bildu ditute, esate baterako, Rikardo Gurbindo historialari burlatarrak "Castaña nazari, ofrenda lizari" arrtikuluan, Axular aldizkarian argitara emanikoa, eta Itziar Diez de Ulzurrun Sagalá idazle eta itzultzaileak 31 eskutik blogean idatzitako "Txingila mingila kurruskario, abre las puertas del armario" artikuluan.