Geroa Bai, EH Bildu, Ahal dugu eta Izquierda-Ezkerra negoziazio prozesuan ari dira Senaturako hautagaitza bateratua aurkezteko proposamena zehazten. Ahal duguko Laura Perezek dena dela, argi utzi du ez duela hautagaitza horretatik "kanpo" gelditzeko asmorik. Hau da, bere alderdiaren hautagairik gabe ez luketela hautagaitza babestuko esan du. Gauzak horrela, alderdiaren barruan aztertu beharreko gaia dela jakinarazi du Perezek eta erabakia barne prozesu eta adostasunen ondoren hartuko dela.
Eztabaida abian
Senaturako hautagaitza bateratua aurkezteko aukera oraindik ez da adostu. Nafarroako Gobernua sostengatzen duten lau alderdien artean eztabaidan ari dira akordio bat erdieste aldera. Hilaren 6ra arte dute aukera hautagaitza bateratua aurkezteko.