Erakusketa Ziudadelan jartzeko baimena bertan behera utzi zuen Iruñeko Udalak, erakusketa artistikoa ez zela argudiatuta. Iruñeko Administrazioarekiko 3. Auzitegiko magistratuak, ordea, arrazoia kendu zion Iruñeko Udalari. Epailearen ustez, aurrez hitzarturik zegoen erakusketa atzera botatzeko interes publiko bat egon behar du. Haren ustez, udalak ez du frogatu halakorik.
Espainiako Poliziak Askatasunaren garaipena izeneko erakusketa zuen hitzartua aurreko UPNren udalarekin urriaren 19tik azaroaren 2ra arte, Ziudadelako Armen Aretoan egiteko. Hori horrela, abuztuan aretoen erabilerari buruzko araudia zehaztu ondoren, udal gobernu berriak baimena kendu zion erakusketaren antolatzaileari, Espainiako Barne Ministerioari.
Bideoa: Nafar Telebistak egin du bideoa erakusketa nolakoa izanen den erakuste aldera.