"Justaposizioan dagoen egungo polizia eredua" aztertu behar dela uste du kontseilariak, eta eztabaida "ezinbestekoa" dela.
Halaber, EH Bilduk osoko bilkuran egindako galderari erantzunez, adierazi du "lehentasunezkoa" dela estatuak transferitu gabeko eskumenak eskuratzea, "gobernu akordioan jasotzen den bezala".
Arlo ekonomia ere ikusmiran jarri du, haren aburuz, "agerikoa" baita orain arteko kudeaketak gastua handitu duela. Esan duenez, Nafarroan zazpi polizia daude, mila biztanleko; Espainian, aldiz, 3,6.
Justizia Auzitegi Gorenaren bi epaiek diote Estatuari dagokiola eskuma, eta horren karietara aztertu du gaia Parlamentuak.
"Gobernu honek ez du auzi hau horrela utziko, helegiteak jarri ditugu, eta gure eskuetan dauden baliabide guztiak jarriko ditugu dagozkigun eskumenen transferentzia egiteko duda izpirik sortu gabe", esan du Beaumontek.