XIX. Elkartasun Astearen baitan gauzatuko dute herrialdearen inguruko ziklo monografikoa. "Ikuspegi kritikoz" so egitea dute xede, gatazkaren gakoak ezagutu asmoz.
Solasaldiez gain, Dokumentazio Gunean gaiarekin lotutako liburuak eta ikus-entzunezkoak jarriko dituzte bertaratzen direnen eskura.
Egitaraua, egunez egun
- Bihar, asteartea, Siriako auzia hitzaldia zuzenduko du Txente Rekondok, 19:30ean.
- Asteazkenean, berriz, Isilpeko iraultza dokumentala proiektatuko dute, 19:30ean.
- Ostegunean, Siria, ekialde hurbileko bidegurutzea azalpena kaleratuko du Teresa Arangurenek, 19:30ean.
- Ostiralean, Iruñea harrera herria egitasmoa aurkeztuko dute, 19:30ean.
Jardunaldien inguruko informazio gehiago Zabaldiren webgunean aurki daiteke.