Magnesitas de Navarra (Magna) enpresaren Zilbetiko Antzeri pagadian harrobia egiteko proeiktuak Nafarroako Gobernuaren baimena lortu zuen 2010ean. Urte bete beranduago hondeamakinak zundaketa lanak egiten hasi ziren Alduide mendian. Alduide Koordinakundearen proiektuaren aurka jarritako helegiteak jarri zuen gaia auzibidean.
Alduide mendia balio ekologiko handiko eremua da eta hegaztientzat bereziki babestutako eremuren aitorpena jaso zuen Europako Batasunetik. Legeriaren arabera, Berezitako Babes Eremuetan ezin da harrobirik egin eta horretan oinarritu ziren proiektuaren aurkariak helegitea egiterakoan.
Orain Nafarroako Gobernu berriak epaileen ebazpenaren kontrako helegitea jartzeko aukera du, hala ere Alduide Koordinakundeko kideek adierazi dute halakorik ez dutela espero.
2012ko azaroan, protesta ikusgarria egin zuten pagadian, harrobi proiektuaren aurka. Pablo Picasso margolariaren Gernika koadroa margotu zuten pagoetan. Abenduan hondatu zuten, baina 2013ko martxoan berriro margotu zuten.