Herri eragile bat parlamentuko saio bateko protagonista den lehen aldia da. Halaber, joan nahi duen ororentzat ateak irekita egonen direla iragarri dute.
Ainhoa Aznarez parlamentuko presidenteak azaldu duenez, hika-mika piztea dute saioek helburu, "kontrako eta aldeko jarrerak entzuteko".
Hari berari eutsiz, parlamentuari "izaera berritua" emateari buruz mintzatu da: "Bestelako ukitu bat eman behar zaio, bestelako ikuspegi bat, bestelako eginkizun bat, parte hartzea eta informatzeko eskubidea, esaterako, denoi eragiten diguten gai horiek jorratu ahal izateko".