Abenduaren 26an izanen da aurtengo Hatortxurock jaialdia. Euskal presoekiko elkartasuna adierazteko musika ikuskizun hori iragartzeko kontzertua antolatu dute aurten. Urriaren 3an Atarrabiako Totem aretoan iragarriko dute zer jaialdi prestatu duten aurtengo. Betagarri eta El Sonido de la Metralla taldeak ariko dira aurkezpen kontzertu horretan.
Aurkezpen horretarako sarrerak dagoeneko salgai daude ohiko lekuetan (Carmen kaleko Herriko Tabernan, Infierniton eta Basajaunen) eta internet bidez lortzeko aukera ere izanen da. Sarrerak aurretik 7 eurotan eskuratu ahal izanen dira eta egunena bertan 10 eurotan.
Behin abenduko kontzertu sorta aurkezturik 18. Edizioko Hatortxurockerako sarrera erosteko aukera izanen da, 10 eurotan, hau da, beherapenarekin. Horretarako urriaren 3ko sarrera aurkeztu beharko da.