2.742 kexa jaso ditu iaz Javier Eneriz Arartekoak. Inoizko kexa kopururik handiena dela nabarmendu du. Euskara, memoria historikoa eta ingurumen gaiez kexatu dira herritarrak. Nafarroako Parlamentuan eman ditu azalpenak Eneriz arartekoak, eta kexu agertu da hainbat erakundek ez dituztelako aintzat hartzen eurek eginiko ohartarazpenak.
Arartekoan jarraituko duen ez dakiela esan du, eta Nafarroaren etorkizun hurbileko eginbeharra "elkarbizitza" dela azpimarratu du. "Nafarroa elkarbizitzeko espazio komuna dela onartu ezean, euskarari edota memoria historikoari buruzko kexek ez dute etenik izanen", zehaztu du.