54 urteko kamioilari bat larri zauritu da bere ibilgailua iraulita, Esako urtegiaren presagainetik hurbil dagoen mendi-bide batean, Nafarroako Gobernuak ohar batean jakinarazi duenez. Gauerdian jazo da lan-istripua. Zangozako suhiltzaileak, guardiako talde medikoa eta bi anbulantzia bertaratu dira. Biktima Nafarroako Ospitalera eraman du anbulantzia batek.
Harriz eta lurrez beterik zihoan kamioia presagainetik 150 bat metrora irauli da. Lurra eta harriak urtegiaren egitura berriak egiteko lanetan erabili behar zituzten. Zangozako polizia-etxeko patruilak eta Iruñeko argiketak bidali ditu Foruzaingoak. Ezbeharra ikertzen ari dira.