Uxue Barkos Nafarroako lehendakari izendatu dutenik lehen bilera ofiziala egin dute gaur Iruñean Barkosek eta Iñigo Urkullu Eusko Jaurlaritzako lehendakariak. Bi lehendakariek nabarmendu dute bide berriak ireki dituztela eta ez soilik harreman sozioekonomiko eta kulturaletan sakontzeko baita harreman politikoan ere.
Uxue Barkos Nafarroako lehendakari izendatu dutenik lehen bilera ofiziala egin dute gaur Iruñean Barkosek eta Iñigo Urkullu Eusko Jaurlaritzako lehendakariak. Bileraren ostean euskaraz egin dituzte lehen adierazpenak biek ala biek.
Nafarroako lehendakariak azpimarratu du bide berriak ireki dituztela. Harreman sozioekonomiko eta kulturaletan sakontzeaz gainera, harreman politikoan ere lan eginen dute. Harreman iraunkorra eratuko dute esparru sektorialetan: azpiegiturak, suspertze ekonomikoa, osasuna, hezkuntza, eta kultura zein euskara bezalako arloetan.
Estatuaren asmo zentralisten aurrean eta autogobernuaren aurkako saioen aurrean itun eta kontzertu ekonomikoak zaintzeko "erne" egonen direla adierazi dute bi lehendakariek.
Euroeskualdean sartzeko eskaera egin dio Barkosek Urkulluri azken hau eskualdeko presidente denez. Honek ontzat jo du eskaera. Orain, Akitaniaren oniritzia falta da.
Halaber, iragarri dute Nafarroan ETB ikus dadin bilerak datorren astetik hasiko dituztela bi gobernuetako ordezkaritzek. Arazo teknikoak bideratzeko eginen dituzte bilerok.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
