Nafarroako Udal garrantzitsuenekin edo herri handienetako Udaletako alkateekin batzartu nahi du Uxue Barkos Nafarroako Presidenteak. Elkarlana beharrezkoa den proiektuetan aritzeko beharra dagoela nabarmendu du Barkosek.
Iruñeko alkatea hartu du gaur Nafarroako Jauregian. Joseba Asiron izan da lehen alkatea Gobernuaren eta udalen elkarlanerako bide-orri horretan. "Koordinazioa" lortu nahi dute bi erakundeen artean. Biei eragiten dieten gaiak aztertzeko hitzordua izan da gaurkoa.
Barkosek uste du Iruñeko Udalarekin akordioetarako eta lanerako borondatea badela. Finantziazio kontuak izan dituzte gaur hizpide, eta baita beste hainbat egitasmo ere. Lehen hitzordua izan da gaurkoa, baina hartu eman iraunkor baten lehen bilera izan da.