Gaur goizean, EH Bildu eta Aranzadiko kideek bilera egin dute Iruñeko Udaletxean. Joseba Asiron eta Ana Lizoain ordezkaritza buruek nabarmendu dutenez, “oso giro ona” izan dute bileran, eta “bikaina izan da elkar ezagutzeko lehenengo hartu emana”.
Programaren oinarri nagusietan bat etorri direla azpimarratu dute bi aldeek. Aranzadi hautesle elkartea Asiron alkategaiari babesa emateko prest dagoela adierazi du Lizoainek.
Elkarlanean aritzeko erabakia hartu dute bileran. Udal gobernuan elkarrekin egoteko aukera ere aztertu dutela adierazi dute.
Ana Lizoainek gogoratu du, “Aranzadiren xede nagusiak, hiritarren parte hartzea bultzatzea eta beharrean daudenak laguntzea” dela.