Egun batetik bestera, hirian bizitzeko abantaila ia guztiak ezerezean geratu dira. Tabernak eta zentro komertzialak itxita, Alde Zaharra oso goibel, gertuko merkataritza kili-kolo, jendearekin biltzea debekatuta, ibili edo korrika egiteko derrigorrezko musuko higuingarri hori... Gauzak horrela, burua aireratzeko eta hiritik ihes egiteko premia sortu zaigu, eginkizun estresante bezala ia ia... Beraz, Orikain, Untzue, Zabaldika edota Erreniegako merenderoetara hurbildu besterik ez dugu behar gure gaur egungo egoeraz jabetzeko. Asteburuero, inoiz ateratzen ziren iruindar peto-petoetaz beteta daude orain gutxi arte etorkinek bakarrik erabiltzen zituzten leku hurbilak baina bigarren edo hirugarren mailakoak... Aisia mailakatu ahal bada, Iruñetik gertuko merenderoak ez zeuden orain gutxi arte gure asteburuko plangintzetan. Agian, kategoria gutxiko aisia zelako.
Kategoria gutxiko jendea
2020ko aza. 19a, 14:29
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!