Gure bizitzen parterik handienean osasuntsu gaude, hau da, ez gaude gaixorik. Horregatik, oso denbora gutxi igarotzen dugu ospitale edo osasun etxeetan, eta ongi dago horrela izatea. Osasunbidea, ahalik eta urrunen, mesedez, beti zentzu onean esanda. Dena den, seguru gaude lekutxo bat (ohe bat, mediku bat, erizain bat...) gure zain dagoela, ospitale batean edo bestean, guk beharrez gero.
Aldiz, garai hauetan, ez gaude hain seguru, baina iruditzen zait ez gaudela hain arduratuta. Osasun publikoaren aldeko mobilizazioen jende kopuru murritzari erreparatzea nahikoa da. Eta tabernak irekitzearen aldeko konzentrazioekin alderatzen badugu, are nabariagoa da zer den gehien kezkatzen gaituena. Agian, gure bizitzen parte handi bat (handiena ez bada), tabernetan igarotzen dugulako.
