Gaur Madrildik egiten ari naiz Euskalerria irratirako kolaborazioa. Izan ere, aragoieraren, asturieraren, galizieraren, katalanaren eta euskararen alde lan egiten dugun eragile garrantzitsuenok agerraldia egin dugu Diputatuen Kongresuko lehoien atariaren aurrean. Iazko otsailean ere hemen bertan izan ginen, eta eskaera bat egin genien alderdiei, hain zuzen ere, Gobernuak egun hizkuntza-aniztasuna kudeatzeko duen ereduari buelta emateko. Finean, milioika herritar, Estatuko populazioaren % 45, sistematikoki alboratzen ditu Gobernuak. Gaur arratsaldean gizarte eragileok sustatu eta hainbat alderdik babestutako ekimena eztabaidatuko da. Eta, gainerako alderdiei dei bat egin nahi izan diegu: Hizkuntzaren auzia, auzi politikoa da. Eta, beraz, gaur arratsaldean aukera izango dute demokrazia, justizia eta berdintasuna ardatz izango dituen hizkuntza-aniztasunaren kudeaketa-eredu bati atea zabaltzeko. Izan ere, gaur horixe aldarrikatu nahi izan dugu hainbat herrialdetatik etorritako eragileok: demokrazia, justizia eta berdintasuna daude jokoan, ez beste ezer.
Demokrazia
2021ko mar. 9a, 12:47
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!