Urtarrilaren 28ko arratsaldean Behatokiko ordezkariek eta Mendigorriko gurasoek berria iragarri zuten Hezkuntza Kontseilariarekin bildu eta berehala: Hurrengo ikasturtean ikasleei euskaraz ikasteko eskubidea bermatuko zaie.
Zenbat ordu, zenbat lan, zenbat izerdi, zenbat oihu, zenbat haserrealdi… Zertarako eta haien seme-alaben oinarrizko eskubidea berma dadila eskatzeko, bai eta egun Nafarroako legeriak jasotzen duena betearazteko ere.
Izan ere, bidegabea izan da Nafarroako Gobernuak ume horiei eragin dien guztia. Lotsagarria izan da hasieratik bertatik konponbide erraza zuen eskaerari horrenbesteko oztopo jarri izana. Halere, benetan pentsatzen al zuten komunitatea mehatxuen aurrean kikilduko zela? Ez al dira oraindik ohartu euskaraz bizi nahi duen herri gogo ikaragarri indartsua dagoela?
Haziak saltzen ibili ziren udan, honek ekarriko zituen gastuei aurre egiteko: Mendigorriko hazia ereiteko garaia heldu zela zioten, bada, orain bai, loratu dezagun Mendigorria berriekin Nafarroako pasaia euskaraz loratzen.
Beste Mendigorri berriak
2021ko ots. 9a, 12:18
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!