ELKARRETARATZEA EGIN DUGU, NAFARROAKO ADMINISTRAZIO AUZITEGIAREN EUSKARAFOBIARI AURRE EGITEKO
Euskararen Defentsarako Sareak egin du gaur bere ibilbidearen bigarren ekintza: Nafarroako Administrazio Auzitegiaren aurrean bildu gara hainbat lagun, erakunde honen euskarafobia salatzeko.
Eskandalua da: Nafarroako Administrazio Auzitegiak lanpostu elebidunak debekatu ditu edo euskararen merezimendua kendu du Antsoainen, Atarrabian, Berriobeitin, Berriozarren, Lizarran, Orkoienen, Zizur Nagusian... Erasoa etengabea da.
Euskararen Legeak eremu mistoko udalei espreski ahalbidetzen die lanpostu elebidunak sortzeko eta euskaraz jakitea meritu moduan baloratzeko, Administrazio Publikoetan euskaldunok euskaraz egiteko dugun eskubidea bermatzeko.
Legegilearen papera hartu du eta ahalmen hori nabarmen murrizten ari zaie, gu euskal hiztunon kaltetan.
Legea betearazteko dagoen erakundea legea urratzeko funtzionatzen ari da, bere burua legegileen gainetik jarrita, euskarafobia ikur.
EUSKARAREN DEFENTSARAKO SAREA.
Elkarretaratzea egin dugu, Nafarroako Administrazio Auzitegiaren euskarafobiari aurre egiteko
2022ko aza. 5a, 00:06
Legea betearazteko dagoen erakundea legea urratzeko funtzionatzen ari da, bere burua legegileen gainetik jarrita, euskarafobia ikur.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!