ETB3, NAFARROA GUZTIAN 2023RAKO?
2020ko maiatzean, Nafarroako Parlamentuan, gobernuko bozeramaile Javier Remírezek (PSN) esan zuen “ahal zuten guztia” egiten ari zirela ETB3ren seinalea Nafarroa guztira zabaltzeko. Egia esan, “ahal zuten guztia” izan zen Espainiako Gobernuari eskatzea, harena baita eskumena, eta haren ezetza jasotzea. Eta kito.
2021eko azaroan, Espainiako aurrekontuak onesteko negoziazioetan, EH Bilduk lortu zuen Espainiako Gobernuak hitzematea ETB3ren seinalea Nafarroa guztira zabalduko zela 2022. urtea bukatu baino lehen. Euskaltzaleak poztu ginen, euskararen kontrakoek zalaparta sortu zuten... eta abuztura iritsi gara, eta ez dugu auzi honi buruzko berri gehiago. PSOEk hitza betetzeko asmorik bai al du?
2022-08-21.
ADMINISTRAZIOAN EUSKARAZ TALDEA.
Eta abuztura iritsi gara, eta ez dugu auzi honi buruzko berri gehiago. PSOEk hitza betetzeko asmorik bai al du?
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
