EUSKARAFOBIARI PLANTO!
Euskararen Defentsarako Sarea sortu dugu, eta ekintzen bidez salatu nahi ditugu euskararen aurkako neurriak.
Lehenengo ekintzan Hezkuntza Departamentuak Tuterako Hizkuntza Eskolan euskarari ezarritako murrizketak salatu ditugu.
Euskara ikasteko sei maila izanik, maila bakoitzean ikasle gutxi daudela argudiatuta, hiru talde besterik ez du onartu nahi. Euskara ikasteko prozesu osoa ezin izanen da, beraz, aurrera eraman Tuterako Hizkuntza Eskolan.
Hizkuntza Eskolen funtzioa da hizkuntzak irakastea. Ez da onargarria Tuteran, Nafarroako bigarren hirian, nafarron hizkuntza, euskara, babesik gabe uztea. Alderantziz, horren eskaintzaren publizitate gehiago egin beharko luke Nafarroako Gobernuak.
Euskararen Defentsarako Sarearekin murrizketa hau salatu dugu eta aurrerantzean euskarak eta euskaldunok jasaten ditugun etengabeko erasoei aurre eginen diegu. Euskaldunon eta euskaltzaleon pasibitatea astindu behar dugu. Egun bat joan, bestea etorri, eta beti boterea gure aurka. Gure aurkako politikak ez dira erantzunik gabe geratuko.
Euskaltzale guztiak deitzen ditugu ekintza hauetan parte hartzera eta taldearekin bat egitera. euskararendefentsarakosarea@gmail.com posta elektronikoan izena eman, eta whassap talde baten bidez antolatuko ditugu ekintzak.
2022-06-17.
EUSKARAREN DEFENTSARAKO SAREA.
Euskarafobiari planto!
2022ko eka. 17a, 23:43
Lehenengo ekintzan Hezkuntza Departamentuak Tuterako Hizkuntza Eskolan euskarari ezarritako murrizketak salatu ditugu.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!