Iruñeko Udalak bi igogailu gaztelania hutsean

Erabiltzailearen aurpegia adm.euskaraz.taldea 2020ko uzt. 26a, 21:38
Iruñeko Udalak hauxe dio: Legezkoa da lokuzioak ele bitan ez egotea; oraingo Euskararen Ordenantzak herritarrekiko harremanetan elebitasun asimetrikoa ezartzen du; ez dago behartuta mezuak bi hizkuntzetan grabatzera.
IRUÑEKO UDALAK BI IGOGAILU GAZTELANIA HUTSEAN


Nafarroako Arartekoak 2020ko otsailaren 20an egindako gomendioari ezetza eman dio Iruñeko Udalak. Ez du ele bitan (gaztelania/euskara) jarriko Zabalguneko Civivoxen eta Erriberri kaleko lur azpiko aparkalekuan instalatutako igogailuen ahots sistema. Ezetzaren berri eman du Arartekoak 2020ko ekainaren 29an.

Iruñeko Udalak hauxe dio: Legezkoa da lokuzioak ele bitan ez egotea; oraingo Euskararen Ordenantzak herritarrekiko harremanetan elebitasun asimetrikoa ezartzen du; ez dago behartuta mezuak bi hizkuntzetan grabatzera.

Bitxia da gero mezu elebakarrei elebitasun asimetrikoa deitzea…

Momentuz, ez dira behar bezala bideratuko, ez eskaera hau, ezta Arartekoaren gomendioa ere. Ez da, hala ere, Navarra Sumaren egoskorkeriaren ondorio hutsa. Afera hau 2019ko otsailaren 7an hasi zen, eta orduko gobernu taldeak esan zuen ahots sistema ele bitan jarriko zuela, baina ez zuen hitza bete.

Iruñeko Udalak, bere osotasunean, dauka kasu honetan elebitasuna ez zabaltzearen erantzukizuna.

2020-07-26.

ADMINISTRAZIOAN EUSKARAZ TALDEA.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!