OSASUNBIDEARI ERE ERRIETA, EUSKARA EGOKI EZ BALORATZEAGATIK
Osasunbideko deialdietan, lehiaketaldian 40 puntutik euskarak 4’29 puntu eman beharko lituzke eremu euskaldunean, eta 2’73 puntu eremu mistoan. Baina euskararik jakin gabe ere 39 puntu lortu daitezke, beste merezimendu batzuekin. Beraz, praktikan, ez da betetzen euskarari buruzko foru dekretu berriak dioena.
Adibide gisa, UPNk ingelesa baloratzen zuenean A eta B mailako oposizioetan (2009. urtetik 2015. urtera), ingelesak puntuazioaren % 10 ematen baldin bazuen, ezinezkoa zen ingelesik jakin gabe % 90 baino gehiago lortzea.
Euskararen balioa gutxiesteko aipatutako trikimailua erabili da aurreko Gobernuarekin eta oraingo Gobernuarekin, aurreko Dekretuarekin eta oraingo Dekretuarekin. Eguesibarko, Burlatako eta Altsasuko Udalei emandako gomendio bera eman dio Nafarroako Arartekoak Osasunbideari (Q18/557 espedientea): Euskara egoki balora dezala lan deialdietan, beste merituei euskararena gehituta, mugarik gabe.
Udal horiek gomendioa onartu dute. Gauza bera eginen al du Osasunbideak? Bi hilabete ditu erantzuteko.
2018-10-16.
ADMINISTRAZIOAN EUSKARAZ TALDEA.
Osasunbideko deialdietan, lehiaketaldian 40 puntutik euskarak 4’29 puntu eman beharko lituzke eremu euskaldunean, eta 2’73 puntu eremu mistoan. Baina euskararik jakin gabe ere 39 puntu lortu daitezke, beste merezimendu batzuekin. Beraz, praktikan, ez da betetzen euskarari buruzko foru dekretu berriak dioena.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
