Osasunbideak ez du euskara baloratzen Nafarroako Erriberan. Alemanak 2, euskarak 0. Zenbat eremu mistoan, lanpostu gehien dauden tokian? Alemanak 2, euskarak 1,17. Eta "eremu euskaldunean" bakarrik ematen ditu puntu gehiago: Alemanak 2, euskarak 2,34.
OSASUNBIDEAK EZKUTATZEN DUENA
Irailaren 25eko Nafarroako Aldizkari Ofizialean argitaratu zen erizaintzako zerrendak egiteko deialdi publikoa. Hartan esaten zen alemanak, frantsesak eta ingelesak 2 puntu ematen zituztela bakoitzak, baina, beti bezala, euskararen puntuazioa ezkutatzen zen. Gobernu Irekiaren bidez informazio hori eskatu, eta, hilabetera, erantzuna jaso dugu. Zenbat puntu ematen ditu euskarak Nafarroako hegoaldean? Ez digute esan, eta indarreko arauek ez dute deus esaten, baina guk argituko dugu: Osasunbideak ez du euskara baloratzen Nafarroako Erriberan. Alemanak 2, euskarak 0. Zenbat eremu mistoan, lanpostu gehien dauden tokian? Alemanak 2, euskarak 1,17. Eta "eremu euskaldunean" bakarrik ematen ditu puntu gehiago: Alemanak 2, euskarak 2,34. Seguru gaude: Osasunbideak informazio hauek ezkutatzen segituko du hurrengo deialdietan ere. Egia esan, jada horrela jokatu du emagin izateko deialdian (urriaren 30eko NAOn argitaratua). Tira ba, jarraitu beharko dugu gardentasuna eta gure hizkuntzarenganako errespetua eskatzen.
2017-11-05.
ADMINISTRAZIOAN EUSKARAZ TALDEA.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
2017ko aza. 5a, 22:12
