Beraz, ingelesdunak euskaldunak baino arreta hobea jasoko du. Ezin al zen eskatu euskaraz, gaztelaniaz eta ingelesez jakitea? Iruñean ez al dago hiru hizkuntzak dakizkienik?
INGELESA BAI, EUSKARA EZ: IRUÑEKO UDALA IRABAZLE
San Ferminetan Objektu Galduen Departamenturako Babes Zibileko zerrendak osatzeko ingelesa nahitaez eskatu zuen Iruñeko Udalak; euskara, ordea, ez.
Herritar baten errekurtsoaren ondoren, Nafarroako Administrazio Auzitegiak arrazoia eman dio Iruñeko Udalari, 2016ko abenduaren 23ko Ebazpenaren bidez.
Ingelesa nahitaez eskatzea ongi ikusi du, kanpotik etorritakoekin komunikazioa izateko. Nafarroako Administrazio Auzitegiarentzat, horrek ez dakar euskara gutxiestea.
Errekurtso egilearen arabera, ingelesa ez bada berezko hizkuntza, ez bada ofiziala eta euskarak baino estatus gutxiago baldin badu Iruñean, ezin da ingelesa eskatu eta euskara ez, herritarrekin harreman zuzena duten lanpostuetan. Nafarroako Administrazio Auzitegiarentzat, euskara erabiltzeko eta sustatzeko foru eta udal araudiek ez dute eragozten ingelesa eskatzea, hizkuntzen estatusari buruzko bestelako hausnarketarik egin gabe.
Beraz, ingelesdunak euskaldunak baino arreta hobea jasoko du. Ezin al zen eskatu euskaraz, gaztelaniaz eta ingelesez jakitea? Iruñean ez al dago hiru hizkuntzak dakizkienik?
2017-04-21.
ADMINISTRAZIOAN EUSKARAZ TALDEA.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
2017ko api. 25a, 00:28
