SAN PEDROKO LIBURUTEGIKO KARTELEN AFERA AMAITZEN ARI DA.
San Pedroko liburutegiko kartelen afera amaierara iristen ari da. 2014ko abuztuaren 1ean Nafarroako Administrazio Auzitegiak horko errotulu, plaka eta kartelak ele bitan jartzea agindu zuen. 2015eko maiatzean kartel handi gehienak ele bitan zeuden eta kartel txiki batzuk ere bai (hauetako gehienak ez). Atariko kartelak hauxe zioen: “Biblioteca pública – Liburutegi publikoa”. Hori bai, gaztelaniazko testua nabarmenagoa zuen.
2015eko maiatzaren 22an, abuztuko ebazpena osorik betetzea eskatu zuen helegileak.
2015eko ekainaren 3an, Nafarroako Administrazio Auzitegiak agindu argia eman du: Hilabeteko epea eman dio Iruñeko Udalari 2014ko abuztuaren 1eko ebazpena oso-osorik betetzeko.
Administrazioan Euskaraz taldeak bere poztasuna adierazi nahi du, Iruñeko Udaleko Euskararen Ordenantzaren aginduak saihestea ekiditeko bide sendoan gaudelako.
