"Telesailak feminismoaren une historiko garrantzitsuenetako batera eramaten gaitu, hain zuzen feminismoaren bigarren olatua deitu zena". 1970eko hamarkadan kokatzen da telesaila, eta garai hartan AEBetan mugimendu feminista eta etxekoandre kontserbadoreen arteko norgehiagoka kontatzen du. Sexua kontuan izan gabe estatubatuar guztiei eskubide legal berberak aitortzea helburu zuen Eskubide Berdintasunaren Emankida izenekoa onartzearen inguruan gertatu zen lehia hori: ERA ingelesezko hizkietan.
Telesailaren kapitulu bakoitzak pertsonaietako baten izena eramanen du izenburutzat. Kapituluz kapitulu, feminismoaren historiaren atal horretan izen propio bat izan zuten pertsonaiak ezagutuko ditugu: Gloria Steinem, Bella Abzug, Betty Friedan... "Oso interesgarria da ikustea nola eraikitzen dituzten euren diskurtsoak, eta batez ere zein den diskurtso horien subjektua, emakume bezala. Hala, barne botere gatazkak ere ikusiko ditugu, eta gaur egun ere ezagunak suertatuko zaizkigun gaiak. Azken batean, zein zen feminismoaren garai hartan erdigunean jartzen zen emakume subjektua?: Emakume zuria, maila ekonomiko
erdi-altukoa, heterosexuala".
