Arrazoiak hamaika dira; ez gehiago, ezta gutxiago ere: hamaika. Aniztasunerako berme izan daiteke; eleanitz izateko biderik zuzenena; ate berriak irekitzeko modua; hurbilekoa beste modu batera ezagutzeko parada; eskolan partaide anitz kontuan hartzen dituen espazioa.
Hizkuntza batek ate berriak irekitzen ditu. Ez du bat bera ere ixten. Hori da D eredua: hori baino ez, eta hori guztia. Eskubideak, parte-hartzea eta hezkuntza eredu parekide eta berdinzalea martxan jartzen duen eredua. Irekia eta hurbilekoari lotua.
Nafarroan urte luzeetara begirako erronka erraldoia dugu aurrean: euskara loturarako arrazoia izan dadin, ez manipulazioetarako tresna. Ongi daki batek baino gehiagok euskararen bidez gorroto eta gezur asko funtsik gabe geratzen direla. Denona, denontzat. Eskola parte-hartzaile, hezkidetzaile, anitz eta berdinzalearen bidean, D eredua aukerarik onena delako. Atzo, gaur eta bihar. Kontua da ezagutzen ez dena gorrotatzea errazagoa dela. Segi dezagun arrakala eta bide berriak irekitzen. Badugu lana.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
