Guraso eskolan, emozioen inguruko konferentzia, gaur, Miren Jasone Etxeberria orientatzaile eta pedagogoaren eskutik, euskaraz. Arratsaldeko seietan izanen da. Doan.
Eta gaur ere, Txalaroa 2016 txalaparta jaialdiak aurrera segituko du, master class batekin, Sergio Lamuedra Zuarteaneko txalapartariak eskainia. Jus La Rocha civivoxean izanen da, zazpi eta erdietan. Ez da beharrezkoa aldez aurretik izena ematea.
Kondestable aretoa musikaren oholtza izanen da aste honetan. Azken hiru mendeetako izen handien obrak landuko dituzte. Gaur, konferentzia eskainiko du Iruñeko Orfeoiko zuzendari Igor Ijurrak, konposizioa hizpide.Zazpi eta erdietan izanen da.
Zabalguneko Civivox aretoan, konferentzia, nork bere menua prestatu ditzan. Izaskun Berastegi Dietetika eta Nutrizioan lizentziatuak eskainiko du, euskaraz. Osasuna eta elikadura izanen ditu ardatz. Arratsaldeko zazpietan izanen da, doan.
Mendiko eta ingurugiroko ekimenak. Horra hor Iraunkortasun Gelan eskainiko duten hitzaldiaren izenburua. San Pedroko Ingurumen Heziketarako Museoan izanen da. Koldo Aldaz mendi gidaria izanen da hizlaria. Zazpietan izanen da, musu truk.
Bihar, asteazkenarekin, zazpi eta erdietan, Kondestable Civivox aretoan, Iñaki Fresan baritonoaren eta Leire Irisarri piano jotzailearen kontzertua. Abestiaren historia zikloaren barruan. Sarrerak, hiru euroan, Civivoxean bertan eta pamplona.es webgunean.
2017ko udal egutegirako argazkiak aurkez daitezke jada, pamplona.es webgunearen bitartez. Originalak eta argitaratu gabeak izan behar dute. Herri bozketaren bidez hautatuko da.
