Iruñean erroldatutakoek botoa eman dezakete aurtengo sanferminak iragarriko dituen afixa hautatzeko. 010 telefono zenbakira deituta eta pamplona.es webgunean bozkatu daiteke, apirilaren 18 arte. Civivox aretoetan hilaren 18 arte eman daiteke botoa.
Gaur, astelehenarekin, zazpi eta erdietan, mendiaren inguruko zikloa, Gaztaroa klubaren 40. urteurrena ospatzeko. Sanduzelaiko civivox aretoan izanen da. Etiopiako Jinbar ur jauziaren jaitsieraren inguruko dokumentala proiektatuko dute. Javier Ruiz Zubikoa egonen da bertan.
Kondestable jauregiko erroldan eta erregistroan gestioak egiteko, aldez aurretik hitzordua eskatu behar da. 010 telefono zenbakira deituta eta pamplona.es webgunean egin daiteke.
Bihar, asteartearekin, sei eta erdietan, auzo forua, Lezkairun. Auzokideak, eragileak, elkarteak eta tokiko entitateak gonbidatuta daude. Arrosadiako civiviox aretoan izanen da. Parte hartzea eta sarrera, doan.
Eta, bihar ere, TIC astearteak, Iturramako civivox aretoan. Ciberbullyngaren inguruko konferentzia, gazteei egindako jazarpena ardatz. Julen Linazoro formatzaile eta adituak eskainiko du hitzaldia. Arratsaldeko zazpietan izanen da, muxutruk.
