Kondestableko udal erroldan eta erregistroan gestioak egiteko hitzordua eskatu dezakete herritarrek. 010 telefono zenbakira deitu beharko dute, edota pamplona.es webgunera sartu.
Gaur, asteartearekin, TIC asteartea, Sanduzelaiko Civivox aretoan. Zer izan kontuan ordenagailua erosteko orduan hitzaldia izanen da, Eva Rodriguez de Luis adituaren eskutik. Zazpietan izanen da, eta entzumen arazoak dauzkatenentzako egokituko dute.
Zinema irisgarriaren zikloaren barruan, gaur, zazpietan, Malditos Bastardos pelikula proiektatuko dute. Mendillorriko Civivox aretoan. Aldez aurretik, gonbidapena hartu beharko da. Quentin Tarantinok zuzenduriko eta Brad Pittek antzezturiko filma da.
Kondestableko udal erroldan edota erregistroan gestioak egiteko hitzordua eskatu dezakete herritarrek. 010 telefono zenbakira deitu beharko dute, edota pamplona.es webgunera sartu.
Bihar, asteazkenarekin, kartoizko altzariak egiteko tailerra. San Pedroko Ingurumen Heziketarako museoan izanen da. Arratsaldeko zazpietan, doan. Aldez aurretik izena emanda 010 zenbakira deituta.
Udalak 60 urtetik gorakoentzat ipar martxak antolatu ditu, sasoian manten daitezen. Interesa dutenek Herritarren Arretarako Zerbitzura deitu beharko dute.
Polen mailaren inguruko informazioa bidaltzeko zerbitzua du udalak martzan; nahi duen horrek izena eman dezake 010 telefono zenbakira deituta. Aste honetan, baxua da polen maila zumarretan, urkietan, pinuetan eta zipresetan.
