Datorren astean, Kondestableko udal erroldan kudeaketak egiteko hitzordua eskatu dezakete herritarrek aste honetan bertan. 010 telefono zenbakira deituta, edota pamplona.es webgunean.
Gaur, asteazkenarekin, europar bisoiaren eta Life proiektuaren inguruko hitzaldia, Ingurumen Heziketarako Museoan. Arratsaldeko zazpietan izanen da, David Campion biogoaren eskutik. Doan.
Joaquin Maya eskolako ganbara musika irakasle Maria Jose Rosen ikasleek kontzertua eskainiko dute. Gaur izanen da. Kondestable civivox aretoan. Arratsaldeko zortzietan. Bachen, Mozarten eta Beethovenen piezak joko dituzte, besteak beste.
Bihar, Txantreako liburutegi publikoan, poesia errezitaldia, Nuris Kasztelan buenosairestarraren eskutik. zazpi eta erdietan izanen da. Poesiaren Nazioarteko eguna ospatuko du Txantreako liburutegiak hilabete honetan.
Salgai daude jada Ruper Ordorikaren kontzerturako sarrerak. Larunbatean joko du, Iturramako Civivox aretoan, zortzietan. Sarrerak, sei euroan. Sarean jarri dituzte salgai, bai eta civivoxean bertan ere.
Plazak libre geratzen dira larunbatean Ermitagañako azokan eginen dituzten sukaldaritza ikastaroetarako. Bederatzi eta hamabi urte bitartekoentzat dira, eta hamaika eta erdietan hasiko dira. Bi euroko prezioa dute.