Gizonezkoei bideratutako ikastaroan izen emateko epea hilaren 22ra arte izanen da. Autonomiaz eta erantzunkidetasunaz ariko dira lantegi horietan. Sukaldean aritzeko erraztasunak, josteko edo lisaketa egiteko ariketak eginen dituzte. Interesa duen edonork 010 telefono zenbakian eman dezake izena. Emakumezkoen ikastaroetarako plazak amaitu dira.
Pamplona en femenino argazki lehiaketara lanak aurkezteko epea hilaren 24an amaituko da. Lanak, Sanduzelaiko Civivoxen aurkeztu beharko dira. Teknika librea, aurretik argitaratu gabea eta emakumearen presentzia izanen duena aurkeztu beharko da. 1.600 euro banatuko dira sarietan.
Iruñeko Udalak SMS zerbitzua du garabiak autoa erretiratzen duenetan abisua emateko. Doaneko zerbitzua da eta hiru bidetatik eman daiteke izena zerbitzuan: udaltzaingoaren webgunean, 010 telefono zenbakira deituta eta SMS bidez.
Bihar, asteartearekin itxi eginen dute Ziudadelako oinezkoen bidea. Ziudadelara sartzeko Armadaren etorbideko atea aldatu eginen dute. Goizeko zazpi eta erdietan hasiko dira lanean eta eguerdirako amaitzea aurreikusi dute. Une horretan, bidea berriz zabaltzea espero dute.
San Pedroko Liburutegi publikoan bihar arratsaldeko seietatik aurrera “ Ipuinaren ordua”. Lau urtetik gorako haurrei zuzenduta dago eta bi ipuin kontatuko dituzte: Los cinco horribles eta la gran pregunta. Doanekoa da sarrera, hori bai, aurretik jaso behar da.
Mendillorriko Civivox aretoan hitzaldia izanen da euskaraz. Patxi San Juan irakasle eta orientatzailea izanen da hizketan. Bullynga izan du gai nagusi. Arratsaldeko seitean ekinen dio hitzaldiari. Sarrera doan da.
