Gaur, Kondestable civivox aretoan, euskarazko sormen tailerra, lau urtetik gorako haurrentzat. Euskaraz izanen da. Bostak eta laurdenetan hasiko da. Bi euroko prezioa du.
Poesia jardunaldiek aurrera segitzen dute, Kondestable civivox aretoan, Javier Asian eta Alfredo Rodriguezen eskutik, Poesia en recogimiento izenburupean, gaztelaniaz. Poesia irakurraldia zazpi eta erdietan izanen da. Toki mugatua egonen da.
Gaur ere, arratsaldeko zazpi eta erdietan, Mendillorriko civivox aretoan, Tafallako Gabalzeka antzerki taldeak emanaldia eskainiko du, Nafarroako Eszenika zikloaren baitan. El escenario del crimen obra taularatuko dute, gaztelaniaz, Mikel Mikeok zuzenduta. Hiru euroan.
Bihar, Arrosadiako Civivox aretoan, euskarazko ipuin kontalaria, Eñaut Gobernaren eskutik, Zoriontasunaren bila izenburupean. Lau urtetik gorako haurrentzat. Saioa hamabietan hasiko da, aldez aurretik sarrera hartuta.
Lau urtetik gorako haurrentzat, magia espektakulua, Jus La Rocha Civivox aretoan. Larunbatean, arratsaldeko seietatik aurrera, Valentino magoak trikimailuak erakutsiko ditu, Magic Love 2.0-n. Sarrera, doan, aldez aurretik sarrera hartuta.
Larunbatean, Iturramako Civivox aretoan, Luis Bermejo eta Teatro El Zurdo konpainiak El minuto del payaso antzezlana taularatuko dute, gaztelaniaz. Bakarrizketa formatuko clown antzerkian, oholtzara ateratzearen inguruan hausnartuko du artistak. Sarrera, sei euroan.
Udalak SMS zerbitzua dauka, udal garabiak gaizki aparkatutako autoa eramanez gero, abisua emateko. Doako zerbitzua da. Hiru bidetatik eman daiteke izena: udaltzaingoaren webgunean, 010 telefono zenbakira deituta edota SMS bat bidalita.
