Gaur, San Frantzisko liburutegi publikoan, ipuinak. Ipuinez betetako maleta eskainiko dute, lau urtetik gorako haurrentzat. Bost eta erdietatik aurrera. Sarrera doan, gonbidapena aldez aurretik hartuta.
Gaur ere, hazkunde pertsonalaren hitzordua, udalaren eskutik, civivox sarean. Konferentzia, Arrosadiako Civivox aretoan, arratsaldeko zazpietan. Nork bere burua ezagutzea izanen da xedea, Leonardo Resano diplomatuaren eskutik.
Kondestable Civivox aretoan, arratsaldeko zazpi eta erdietan bostgarren poesia jardunaldiak. XXI. mendeko poesia idazketa zutabe. Luis Garde eta Jose Luis Allo poetek hartuko dute parte. Doan.
Bihar, ipuinaren ordua, Arrosadian. Arratsaldeko seietan, lau urtetik gorako haurrentzat ipuinak izanen dira, Loli Frances narratzailearen eskutik. Sarrera, doan.
Iturramako Civivox aretoan, Teatreves antzerki zikloak aurrera jarraitzen du, bihar. Zirika Zirkusek Tren geltokia obra antzeztuko du, euskaraz. Arratsaldeko sei eta erdietan izanen da; sarrera, hiru euroan. Civivoxean bertan edota pamplona.es webgunean har daitezke.
Bihar ere, Kondestable Civivox aretoan, poesia jardunaldiak, arratsaldeko zazpi eta erdietan. Errezitaldi poetiko musikala egonen da, Montse Zabalza artistaren eskutik. Sarrera, doan.
Bihar arte eska daitezke Etxabakoizko kultur eta kirol elkarterako abonuak. 20 abonu familientzat eta hamazazpi norbanakoentzat. Eskaria egiten dutenen errenta ezin da Efektu Anitzetako Adierazle Publikoaren Errentaren 1,5etik gora egon. Zapateria kaleko 40. zenbakian eskatu beharko dira.
