Herritarrek izena eman dezakete Iruñeko udaltzaingoaren Zuzendaritza Plan berria egiteko. Bost lan talde eginen dituzte, auzoka, izen ematea, urtarrilaren 26tik otsailaren 3. Parte hartzeko, 010 telefonora deitu.
Gaur, bisitak Pablo Sarasateren Museo gelan, Kondestablen. Udalak hamabi bisita eskainiko ditu urtarriletik martxora. Lehenengoa, gaurkoa. Arratsaldeko sei eta erdietan, euskaraz. Larunbatean, aldiz, gaztelaniaz izanen da, eguerdian. Doan, aldez aurretik izena emanda.
Larunbatean, hiru hitzordu, Civivox aretoetan. Lehenengoa: ipuin kontalaria zabalguneko civivox-ean, lau urtetik gorako haurrentzat. Eguerdian, sarrera, doan, gonbidapena hartuta hamaiketatik aurrera.
Bigarrena, Iturramako civivox aretoan. Eguerdian eta arratsaldeko seietan. Teatro paraisok Nomadak obra taularatuko du, euskaraz. Sarrera, hiru euroan. Civivox-ean bertan zein pamplona.es webgunean eros daiteke.
Azkenengo hitzordua larunbatean izanen da. Magia espektakulua. Euskaraz. Lau urtetik gorako haurrentzat. Ordu magikoan, Hodei magoa ariko da, Jus la Rochako aretoan, arratsaldeko seietan. Sarrera, doan, gonbidapena hartuta.
