San Pedroko Ingurumen Heziketarako Museoan, Guardianes de la biodiversidad: agricultores ikus-entzunezkoa. Goizeko hamaika eta erdietan eta arratsaldeko sei eta erdietan.
Eta gaur ere, mikologian murgilduz, onddoen eta gizakien arteko erlazioa izanen du Begoña Ojer biologoak ardatz. Kondestable Civivox aretoan izanen da, zazpi eta erdietan, doan.
Gainera, San Pedroko Ingurumen Heziketarako Museoan, azaroaren 20 arte, ziza eta onddoen inguruko erakusketa. Museoa zabalik dagoenean.
Eta sare sozialetan interesa duten horientzat, berriz ere, TC asteartea da. Zazpietan, Jus La Rocha Civivox aretoan, RSS kanalak kudeatzen ikasteko konferentzia eskainiko dute.
Hazkunde pertsonalaren inguruko hitzaldiek aurrera darraite. Bihar, Milagrosako Civivox aretoan, zazpietan, denbora kudeatzearen inguruko konferentzia. Doan, gonbidapena seiak baino lehen eskuratuta.
San Pedroko Ingurumen Heziketarako Museoan, haziak. Bihar, asteazkenarekin, zazpietan, bi adituk haziak bildu, atera eta mantentzeko jarraibideak azalduko dituzte. Gainera, seietatik zortzietara haziak pilatzeko gunea irekiko dute.
Eta Kondestable Civivox aretoan, mikologia zikloak aurrera segitzen du . Bihar, Carlos Ruis de Vergara sukaldariak mikrogastronomiaren inguruko konferentzia emanen du, gaztelaniaz: Landa, mahaian. Doan.
Umeek, aldiz, ipuin kontalariarekin dute hitzordua. Bihar ere, arratsaldeko bost eta erdietan, San Frantzisko liburutegian, beste saio bat. Lau urtetik gorako haurrentzat. Doan.
