“Bakea gertu dago”. Duela ordu gutxi esan ditu hitzok Juan Manuel Santosek. Justizia trantsizionalaz FARCekin lortu duen akordioa aurkeztu du segidan; eta gerrillako buruzagi Timochenko-ri eskua eman.
Aspaldiko kantu baten hitzak moldatuz: “Iñaki, zein urrun dagoen Kolonbia”. ETAren desarmatzeaz arduratzen omen zirenak atxilotu berri dituzte, izan ere, ETAren lehendabiziko biktimaren abizenarekin izendatutako Polizia operazio batean. Egun berean debekatu dute Iruñean Txikiren eta Otaegiren igandeko omenaldia, ETAren biktimen izenean. Ez omen da paradoxa. Francoren garaian bezalaxe, diktaduraren aurkako ekintzaileak terroristak dira egungo Espainian. Desarmatze prozesua trabatzeari “amaierarako urrats” deitzen zaio.
Tokitan dago Kolonbia, bai.