Badakit galtzen barrenak hartzen, esku-trapuak brodatzen, vainica doble, punto-cruz, pespunte... egiten. Eskolan erakutsi zidaten, neskei zegozkien lanetako bat horixe zelako nire gaztetxotako mundu hartan. Josteari fobia hartu nion orduan.
Haria eta jostorratza eskuan aterako dit argazkia lagunak igandean. Erabakitze eskubidearen korapiloa askatzeko beste puntada bat eman nahiez. Gainditu dut guraizeekiko fobia. Gure Esku Dagorekiko filiari esker. Eta hau ez da neskentzako ikasgaia bakarrik, jakina, eskuak dituen guztientzakoa baizik. Nahi adina jostorratz bada harizko herri honetan. Ezin bestela izan.