Behetik gorako begira puntua hartu du argazkilariak, eta horrela argazki epikoa atera zaio. Oholtza gainean, atzean errezela gorrizta dutela, ageri dira Junts Pel Siko ordezkariak. Ezkerretik lehena Lluis Llach kantaria; hirugarrena Muriel Casals, Omnium Culturaleko presidente ohia, bosgarrena Oriol Junqueras, hurrena Artur Mas dator; atril aurrean hizlari Raül Romeva, zerrendaburua.
Lasai ageri dira guztiak, zalapartarik gabe, eta aurpegietan marrazten zaiela irribarre zantzua; Junquerasi izan ezik, ze Esquerrako buruzagiari kostatzen zaio ezpainak lasatzea.
Igandeko hauteskundeei buruzko informazioak matematikarientzat dira batez ere: kopuru absolutuak, portzentajeak, alderaketak aurreko emaitzekin… dena zirrikitu guztietatik begiratuta. Gehitxo letratakoak garenontzat. Horregatik, gaur, eskertzekoa benetan Zaldieroaren De Rerum Naturako zirrindara; senyeraren gainean soilik bi datu zehatz, hauexek: “2012an 24 diputatu zeuden programa independentista argi batekin… 2015ean 72 daude”. Emaitza argiagorik? Arrautzen matematikara pasata, bi dozenatik sei dozenara igo direla diputatu independentistak.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!