Harriak dira, artzapezpikuaren iritziz, gauzarik garrantzitsuena. Harriak memoria demokratikoaren gainetik, harriak minaren aurretik, harriak familia errepublikarrak baino lehenago.
Artzapezpikua erdi arora begira beste behin. Orain amarru formalak Mola eta Sanjurjo hobitik ez ateratzearren. Bera erahiltzaileen alde eta biktimen contra beste behin.
Fernando Sebastian, intsumisioaren kontra agertu zitzaigun 90.ko hamarkadan. Geroago, 2003an, Parlamentuak egindako memoria historikoaren aldeko deklarazioari aurre egin zion ere. Beraz, berriro ere, aldaketarik ez.
Jerarkia katolikoaren jarrera ikusita, Iruñeko udalak zein udal taldeek protesta egin dute. Baita, noski, memoria eta senitartekoen elkarteek. Baina gor dabil artzapezpikua, gor eliza, beste behin.