Hautsak harrotu ditu Uxue Barkos lehendakaria Madrilen atzo izan zen desfile militarrera ez joateak. UPN eta PP dira haserretuenak. Haien erranetan, nafar gehienen sentimenduaren kontra egin du Barkosek Madrilgoari piper eginda, nafarrak ordezkatu gabe utzi baititu. Azken hilabeteetan, ez da alderdi horiei antzeko arrazoiak aditu dizkiegun lehen aldia. Hauteskundeak galdu dituzte, eta hala ere segitzen dute nafarren gehiengoaren sentimenduaren tema horrekin, beraien sentimendua eta nafar gehienena bat etortze automatiko bezain iruzurtian. Auskalo zein den nafar gehienen sentimendua. Nire inguruko nafar gehienak, bederen, ordezkatuagoak sentitu dira Barkos etxean gelditu dela ikusita.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
