Ari naiz
jaio nintzeneko gorputz biluztu perfektu hura berrezagutzen,
ari naiz.
Ari naiz
umetako begien sakontasuna non izkutatu zen deskubritzen,
ari naiz.
Ari naiz
nerabe hark gorde zituen ametsen arrastoak non diren ondorioztatzen,
ari naiz.
Ari naiz
gazte liluragarri haren
botore koloretsuaren soinua berriro entzuten hasten,
bai, ari naiz.
Ari naiz
azkarregi heldu zen neskatxa honen besapeko sekretu zenbait aurkitzen.
Ari naiz
bere gogo erraldoien oihartzuna sumatzen.
Bere barneko itsaso guztien gazitasun goxoa
ahosabaian sentitzen.
Hasi naiz, bai
ur horren handitasuna marrazten,
aire ikusezinean islatzen.
Lur bustian erroa noiz sakonduko,
behar den ekaitza noiz etorriko
ondorengo bakea
zintzo ta leun
erortzen uzteko.
Badator... badator... xuxurlatzen
hasi naiz.
Banaiz. Banaiz. Gozatzen,
hasi naiz.
Konprenitzen
hasi naiz.
konprenitzen
Ari naiz.
