Euskararen erretratua: gehiago, gehiagorekin eta gehiagotan. Datorren urteko Euskaraldia aurkeztu berri dute. Lelo hori izango du 2020ko ekitaldiak. Ekimen kolektibo handia izan zen aurreko kanpaina. Mihiluzeak, belarriprestak... Langa goian dago, eta jauzi handia beharko dugu egin gorago joateko, azkarrago, indartsuago. Ez dut nik kanpaina kritikatuko, euskalduna baizik. Zer du euskaldunak euskara ez erabiltzeko? Zergatik behar ditu euskaldunak laguntza eta bultzada euskara erabiltzeko? Hautu oso pertsonala da hizkuntzarena. Euskaraz ikasi... etxean, kalean, euskaltegian, eskolan, institutuan, unibertsitatean... eta korridoreetan euskara baztertu. Eta dendan euskara baztertu. Eta tabernan euskara baztertu. Eta udal-plenoan euskara baztertu. Kanpaina ez ezik, egosaldia behar du euskaldunak, egosaldia: luzeago, beroago, gatz-pipertuago.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
