Kontu honek guztiak niri San Agustin ekarri dit gogora. Ikusten ez diren gauzei buruzko fedea lana da Aljeriako filosofo ezagunaren idatzietako bat. Eta han dio, besteak beste, ikusten ez direnak badirela eta horiek gidatzen dituztela gure urratsak.
Adiskidearen borondate ona ez da ikusten, baina sinetsi egiten da, dio.
Honetan edo hartan sinesteak, batzuetan totalitarismorik ankerrenak badakartza ere, inoiz mundua eraldatzeko eta unibertsoa ulertzeko tarteak irekitzen ditu. Indartsua da fede delako hori. Zer pentsatua ematen du, filosofiaren kasuan izan, fisikarenean izan.