Mikel eta Evietlana, bi sari, bi mundu, bi ikuspegi, bi jarrera, bi aurpegi; baina, afizio, ofizio eta pasio bera: kontalaritza. Mikel Peruarenari eman diote Euskadi Literatur Saria. Svietlana Aleksievitx-i Nobel Saria. Biak, tragediaren kontalari.
Aukera baliatzen dute sarituek beren sentipenak azaleratzeko; ariketa interesgarria da hori, autoreak -idazleak- ezagutzeko.
Svietlana Aleksievitx Nobel saridun ukraniar-bieloerrusiarrak aipatu berri du errespetatzen dituela literaturaren eta zientziaren errusiar munduak, baina ez Stalinen eta Putinen Errusia. Esan du ez zaizkiola gustatzen ukrainarrak hiltzeko eskatzen duten errusiarrak.
Mikel Peruarena hernaniarrak adierazi du Euskadi Sariek ez dutela euskal literatura indartzen, euskarazko sormena bere itzaletatik erreskatatzen. Ez du jaso Peruarenak saria, uko egin dio hartzeari.
Lehen Mundu Gerraren krudelkeria kontatu du Peruarenak saritutako eleberrian. Sovietar Batasunaren erorketaren ondorengo tragediak erretratatu ditu bere obran Evietlana Aleksievitx-ek.
Tragediaren kontalariak, saridun.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
