“Kartzelara bidaltzen bagaituzte ere, hemen egongo da herri bat erasoen kontra defendatzeko prest”
Ilbeltzeko igande goiz batez jo dugu Baztanera. Eguzkiak oraindik ez du Lekarozko plaza argitu; bertan elkartu gara Garbiñe Elizegi Narbarte, Itziar Torres Letona eta Ernesto Prat Urzainkirekin. Itzaletan hotz egiten du eta umorez goxatu dugu lehen agurra, hogei urtean Aroztegia proiektuaren aurka eremu anitzetatik lanean ari diren hiru kide hauekin: Elizegi eta Torres auzipetuta daude, 2021eko kanpaldian parte hartzearen ondorioz. Garai hartan Prat Lekarozko alkatea zen eta Elizegi Baztango alkate izan zen 2011tik 2015era: biek ezagutu dute zer den erakunde publikoetatik Aroztegia proiektuaren irregulartasunen aurka lan egitea, baita goragoko instantziek tokiko erabakien gainetik jartzeko duten larderia ere. Eta Elizegi eta Torres Aroztegia... eta gero zer? plataformako kide izan ziren: badakite zer den herri mugimendutik helegiteak eta bide legalak lantzen aritzea, herritarrak sentsibilizatzeko informazio orriak idatzi eta zabaltzea, herri galdeketa eta mobilizazioak antolatzea, desobedientzia zibila egitea... Egun elkartasun komiteko kide dira.
Goizeko ihintzetan belaiak berde bizi daude. “Nondik ikus ditzakegu Aroztegia jauregia eta lurrak?” galdezka, kazetaria eta argazkilaria beti muturluze... Agian ez dira bakarrak. Itzalen bat somatu ote den zelatan leiho baten ertzean... “Goazen. Herri bideetan joango gara. Agian gaur ere Guardia Zibilen patrola inguratuko zaigu. Niri sarri gertatzen zait, herri bide horietan nabilenean” mintzatu zaigu Elizegi, guri eta leiho zelatariari.
Giro ederra dago eta eguzki izpitara pozik atera gara, mendi buelta egitera. Bidean, epaiketaren auzia zertan den azaldu digute:
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
